Министерот за транспорт и врски, Миле Јанакиески и градоначалникот на Маврово и Ростуша, Мукрем Мехмеди го посетија селото Ростуша каде имаа средба со граѓани и директно беа запознаени со нивните проблеми, барања како и заедничко изнајдување на решенија за истите, со што би се подобрил животот во нашиот регион.
Министерот за транспорт и врски, Миле Јанакиески не го криеше задоволството од одличната соработка со првиот човек на нашата општина, градоначалникот Мехмеди како и заедничките заложби за довршување на веќе започнатите проекти како и за започнување на нови проекти кои треба да се реализираат во наредниот период се со цел да се задржи детскиот плач кој во последните петнаесеттина години недостасува на овие простори поради се поголемата миграција на нашите граѓани кој ја бараат својата егзистенција во европските земји како и за подобрување на условите за живот на нашиот граѓанин.
